Қанаттыға – кең өріс
Биыл елімізде «Жастар» жылы. Елбасының саясатымен жүзеге асырылып жатқан түрлі бағыттағы бағдарламалар игі жемісін беруде.
Бүгінде кәсібін дөңгелетіп, қоғамнан өз орнын тапқан талапты да дарынды жастар арамызда жетерлік. Сондай талапты жастың бірі –Тұрмағамбет ауылының тұрғыны Рүстем Әбдірауықов.
Бүгінде кәсібін дөңгелетіп, қоғамнан өз орнын тапқан талапты да дарынды жастар арамызда жетерлік. Сондай талапты жастың бірі –Тұрмағамбет ауылының тұрғыны Рүстем Әбдірауықов.
Рүстем өз замандасы сияқты «2017-2021 жылдарғы нәтижелі жұмыспен қамту және жаппай кәсіпкерлікті дамыту» бағдарламасы аясында былтыр «Мүйізді ірі қара басын көбейту және бордақылау» жобасы бойынша «Ауылшаруашылығын қаржылай қолдау қоры» АҚ арқылы алған несиесіне мүйізді ірі қара аналығын сатып алып, оны көбейтуге жұмыс істеуде.
– Өткен жылы отбасымен ақылдаса отырып, кәсіп ашуға шешім қабылдадық. Мемлекеттік бағдарламаға қатысып 8 бас сиыр сатып алдық. Олардың 6-уы төлдеді. Әзірге нәтиже жаман емес. Алла қаласа, бірер жылда мал басын көбейтіп, бордақылауды бастамақшымын. Қорада ірі қарадан басқа жылқы, қой бар. Ата-баба кәсібін қолдан келгенше өркендетуді парыз деп білемін. Тіпті, әлі де қолдау болып жатса, бастаған істі одан әрі өркендетуге жұмыс істемеймін, – дейді жас кәсіпкер.
Тұрмағамбет ауылдық округі әкімдігінің маманы Айдос Мұхамбетқалиевтың айтуынша, ауылда шағын және орта кәсіпкерлікті дамытуға белсенділік танытып жүрген жастар аз емес. Оның ішінде, мал шаруашылығы мен тұрмыстық-қызметтік кәсіпті қолға алуға құлшыныс білдірушілер саны күннен-күнге артуда.
Нұрбай ЖАНӘДІЛОВ
