БАЙҚОҢЫРЛЫҚ ОҚУШЫЛАР ҒАРЫШҚА ҚОЛ СОЗАДЫ

Жұлдызды қалашықтағы Абай Құнанбаев атындағы №273 орта мектептің оқушылары инновациялық идеяларды жүзеге асырып жатыр. Мектеп директоры Ұзақбаев Ғалымжан басшылық жасайтын ұжымда 87 мұғалім қызмет етсе, 989 оқушы білім нәрімен сусындауда. Өткен жылдан бастап мектеп оқушыларының бос уақыттарын тиімді пайдалану мақсатында робототехника, физика және өзін–өзі тану үйірмелері нәтижелі жұмыс жасап келеді. «Зымыран» ракета модельдеу үйірмесінің басты мақсаты - балалардың болашақта ғылымға үлесін қосып, ракета–модельдеу және робототехника салаларына жаңа технологияны игеруге бағыттау болып табылады. Технология пәнінің мұғалімі Ахметуллаев Аманжол жетекшілік ететін үйірмеде 5-10 сынып оқушылары арасынан 24 оқушы мүшелікке қабылданған. Шәкірттерінің барлығы халықаралық – республикалық ғылыми жобалар байқауларына қатысып, жүлделі орындар иемденген. Соның бірі 9 сынып оқушысы Тулепбергенов Бекзат. Бұл күнде жас конструктор құрастырмалы модельдеу бағыты бойынша ғылыми жобаларға қатысуға дайындалуда. Сонымен бірге аталған мектепте оқушылар мен жасөспірімдердің рухани дүнетанымын кеңейту мақсатында «Абай Құнабайұлы» мұражайы орналасқан. Оқушылардың рухани кемелденуіне және философиялық идеяларын насихаттау мақсатында ашылған мұражайда Ұлы ақынға қатысты деректер мен Тәуелсіздік алғаннан кейінгі жылдардағы Ресей мен Қазақстан арасындағы достық, дипломатиялық қатынастар жайындағы мәліметтер көптеп жинақталған.