Жастар арасындағы жұмыссыздықты жою мен алдын алу мемлекеттік жастар саясатының басты бағыты. Жұмыссыздықты болдырмаудың жолы бос жұмыс орындарының жәрмеңкесі мен қажетті мамандарды (оның ішінде жас мамандарды) ауылдық елді мекендердегі бос жұмыс орындарына тарту.

Жалпы аймағымызда 14-29 жас аралығында 190 101 жас бар және оның 110 306 (58 %) ауыл жастары екенін ескере отырып, «Қармақшы аудандық жастар ресурстық орталығы» КММ-сі аудандық білім бөлімімен бірлесе отырып Қармақшы ауданы бойынша білім беру мекемелерінің 2019-2020 оқу жылына қажетті кадрлар тізімін жасақтаған болатын.

Қажетті кадрлар тізімін өңіріміздегі Қорқыт Ата атындағы ҚМУ, Болашақ университеті және М.Мәметова атындағы Қызылорда педагогикалық жоғары колледжінің бітіруші түлектерімен кездесулер өткізілді.

Кездесу нәтижесінде болашақ жас мамандар алдағы уақытта ата-аналарымен ақылдаса отырып хабар беретіндіктерін жеткізді.