«ҚЫЗ ТӘРБИЕСІ – ҰЛТ ТӘРБИЕСІ»
Қызылорда облыстық ішкі саясат басқармасының дін мәселелерін зерттеу орталығы Байқоңыр қаласы бойынша бөлімше маманы бекітілген жоспарға сәйкес академик С.А.Джиенкулов атындағы Байқоңыр қалалық колледжіндегі «Қыз Жібек» қыз балалар клубымен «Қазақ қоғамындағы қыз баланың орны» тақырыбында дөңгелек үстел өткізді. Дөңгелек үстел мақсаты қыз балаларға тағатты діни сананы қалыптастыру, ұлттық құндылықтарымызбен салт-дәстүрімізді дәріптеу, қазіргі әлеуметтік желілердегі діни уағыздардың зардабын, қазақ қыздарына тән ұлттық тәрбие, салт-дәстүрлерді және жастардың діни сауаттылығын арттыру, дәстүрлі емес діни ағымдарға қарсы иммунитетті қалыптастыру. Дөңгелек үстелде бөлімше меңгерушісі Н.Күнмырза, «Қыз Жібек» қыз балалар клубының жетекшісі әрі колледж психолыгі Н.Рахметуллаева тақырып аясында баяндама жасады. Дөңгелек үстелде орталық тарапынан дайындалған бүктемелер таратылды.
