МАМАНДЫҚТЫ ДҰРЫС ТАҢДАУ – ТАБЫСТЫ ӨМІРДІҢ КІЛТІ

«Мамандықты дұрыс таңдау – табысты өмірдің кілті». Бұл Қармақшы ауданы III Интернационал ауылының жоғарғы сынып оқушыларының ортақ пікірі. Ауылдағы №108 мектептің шәкірттері қоғамға ең қажетті қат мамандықты таңдамақшы. Сонда жұмыссыз қалмаймыз, - дейді.
Мамандық таңдауда оқушыларға «Қармақшы жастары» қоғамдық бірлестігі мен «Алаш ұландары» қоғамдық қоры кеңес берді. Ауыл жастары ІТ саласына қызығушылығы басым. Тіпті көпшілігі технологияның тілін меңгеріп, тың жаңалықты ауылшаруашылық саласына енгізгісі келетіндіктерін айтты.
Сондай-ақ, шара барысында «Кәсіпкерлікті қолдау жылындағы жаңа мүмкіндіктер», сыбайлас жемқорлық, жастар арасындағы құқық бұзушылықтың алдын алу бағытында кеңестер берілді.
Г.ӘМІРҚЫЗЫ.