"Дала өртіне абай болайық"
Өрт-барлық апаттың бастауы. Ол күрделі шығынға әкеліп соқтырары сөзсіз. Оған деген немқұрайлықтан арылуымыз керек. Өрт әр түрлі жағдайда шығуы мүмкін, сол өрттердің бір түрі орман- тоғай өрті. Өрттердің негізгі көп орын алатын орны, күннің қызуынан шөптердің қурап, көгеріп өзі өртенуінен және де саяжайға демалысқа барған азаматтар мен азаматшалардың ошақ құрып, от жағып, өртті өшірмей немқұрайлы қараусыз қалдыру салдарынан болып отырады. Ол үшін далалық жерлерде от пайдаланушы әрбір азамат табиғат тағдырына жанашырлықпен қарауы әбден қажет. Жыл сайын аудан көлемінде көктем айларында шаруашылық басшыларының және жеке азаматтардың жауапсыздығынан өрттер орын алып, табиғатқа көп зиян келтіріліп жүр. Соның салдарынан олар желдің әсерімен жан-жаққа жайылып табиғатқа қыруар зиянын тигізеді. Осындай жағдайларды болдырмау үшін шаруашылық басшылары дала жұмысына бөлінген адамдардың өртке қарсы ережелерді қатаң сақтауын талап етуі тиіс.
