Семинар тренинг өткізілді

«Т.Ізтілеуов атындағы №29 қазақ орта мектебі» коммуналдық мемлекеттік мекемесінде «Баланың ынтасын оқуға қалай арттырамыз» тақырыбында семинар тренинг өткізілді. Мектеп директорының тәрбие ісі жөніндегі орынбасары Байғұлиев Ержан, психологтар Кызылбаева Зибагуль, Ибрашев Ғазиз, сынып жетекшілер: Көзбергенова Сәуле, Байғұлиева Зоя, Нұраханова Гүлданалар семинар тренингтің мазмұнды өтуіне атсалысты. Ата – аналар «Күзгі жапырақ» тренингі бойынша топқа бөлініп, оқушы мен мұғалім, мұғалім мен ата – ана, ата – ана мен бала арасындағы әртүрлі кездесетін жағдаяттардан шығу жолдарын бірлесіп талқылады.

Семинар барысында бейнебаяндар көрсетіліп, ынтымақты қарым – қатынас ережелерін құрастырды. Ата – аналарға бала тәрбиесі, мектеппен ынтымақтастық тақырыптары беріліп, постер қорғады. Мұғалімдермен бірлесіп ән айтып, ризашылықпен тарасты.