«Т.Ізтілеуов атындағы №29 қазақ орта мектебі» коммуналдық мемлекеттік мекемесінде жас ұрпаққа сапалы білім мен саналы тәрбие беру бүгінгі заманның талабы. Бүгінгі таңда мектебіміздің ең негізгі мақсаты – денсаулығы зор, білімі терең, адамгершілігі жоғары, туған жері мен тарихының ұлылығын құрметтей білетін, жан – жақты дамыған тұлға тәрбиелеу.

«Сабақ дұрыс құрастырылған жағдайда ғана яғни сынып оқушыларының жас ерекшеліктері, әр оқушының білім деңгейі, сонымен қатар оқушылардың танымдық қабілеттерін ескере отырып құрастырғанда мұғалім жақсы нәтижеге жетеді» дейді мектеп директоры Зарипа Тасымова. Осындай нәтижелі білімге қол жеткізіп жүрген, шығармашылдықпен тынбай үздіксіз ізденісте жүретін мұғалімдердің бірі қазақ тілі мен әдебиеті пәнінің мұғалімі Алдамұратова Роза Жақсылыққызы. Өз білім – білігін, оқытудың әдіс – тәсілдерін жетілдіріп нәтижеге қол жеткізуде. Роза Жақсылыққызының 8 – сыныптағы М.Мақатаевтың «Аққулар ұйықтағанда поэмасы» тақырыбындағы сабағы өте жоғары деңгейде өтті.