Коучинг өткізілді
Қармақшы ауданы «Т.Ізтілеуов атындағы №29 қазақ орта мектебі» коммуналдық мемлекеттік мекемесінде Білім сапасын арттыруда мектеп директоры Зарипа Тасымованың басшылығымен бірнеше игілікті шаралар жүзеге асырылуда. №29 мектептің көшбасшы мұғалім, ағылшын тілі пәнінің мұғалімі Қисықова Жазира Әділбекқызының жүргізуімен «Кері байланыс және рефлекция, оның оқуға ықпалы» тақырыбында коучинг өткізілді.
Жаңартылған білім мазмұнын талдап түсіндіре отырып, білім сапасын арттырудың ең тиімді құралы Кері байланыс жасау екендігі, онда сабақтың тиімділігі мен қандай дәрежеде өткендігі туралы үйренушілердің ой – пікірлерімен, эмоцияларын пікір арқылы келтірді. Бұл пікірдің мұғалімге өз жұмысына өзгеріс енгізуге мүмкіндік беретіндігі егжей – тегжей түсіндірілді. Ал рефлекция – артқа қарау, түсіну, талдау, бағалау, сыни ойлау арқылы жүзеге асырылатынын мұғалімдер топтық жұмыста өздері атқарып жүрген әдіс – тәсілдерін тағы да бір пысықтап, алға қадам жасады. Коучинг өте жоғары деңгейде өтті. Мұғалімдер ризашылықпен тарасты.
