Сыбайлас жемқорлықпен күрес - қоғам алдындағы үлкен жауапкершілікті жүктейтін маңызды міндеттердің бірі. Бұндай фактілерді болдырмау жəне алдын алу шаралын жүргізу күн тəртібінен түспейтін мəселе. Бұл туралы жақында ғана қалың елге кеңінен жарияланған Елбасы Жолдауында тоғызыншы міндетте көрсетілді. Қызылорда Облысының Білім Басқармасының Қармақшы аграрлы-техникалық колледжінде Мемлекеттік Қызмет Істері агенттігі өкілдері…нің, колледж студенттерінің қатысуымен жəне колледж əкімшілігінің ұйымдастыруымен кездесу болып өтті. Аталмыш шарада кездесуге келген қонақтар бүгінгі күннің басты мəселесі, қоғамның ортақ кеселі - Сыбайлас жемқорлық екенін жəне онымен күресу жəне алдын алу ешқашан тоқтамайтынын тілге тиек етті. Сыбайлас жемқорлық фактілері қандай болатынын жəне қандай жағдайда азаматтар заң алдында жауап беретінін білім алушы студенттерге қатысушы қонақтар кеңінен түсіндіріп өтті. Шара барысында студент жастар өз ойларымен бөлісіп, кездесуге келген қонақтармен пікір алмасты. Елбасының Қазақстан халқының алдында қойып отырған үлкен мəселесі - сыбайлас жемқорлықпен күресу. Мұнымен қоғам болып күресу үшін ең алдымен əрбір адам құқықтық сауатты болуы тиіс. Міне, бүгінгі келелі кездесу осыны қорытындылайды.