Қыстың қытымыр аязында, күннің суығына қарамастан қайырымдылық шараларын жүргізу өте қиын. Міне, осындай қыстың аязында облыстық жастар ресурстық орталығының ерікті, белсенді жастары жəне орталық қызметкерлерінің ұйымдастыруымен екі күн қатарынан қайырымдылық шарасы өтті. Аталмыш шарада қала тазалығының сақталуына еңбек етіп жүрген жандарға ыстық шай мен тəтті тоқаштар таратып, жылы ілтипат көрсетілді. Сонымен қатар ызғарлы жел ауа райында жастар ресурстық орталығының автобусымен тегін қалаішілік жолаушылар тасымалымен айналысты. Мейірімді жүрекпен, қайырымды шараларымен қуантқан жастар ісі жалғасын таба берсін деп тілейміз!