Кездесуде аудан әкімі С.Мақашов мәртебелі меймандарды Мемлекет басшысы Н.Назар­баев­тың ел эконо­микасы мен халықтың тұрмыс-тір­шілігін ны­ғай­ту мақсатында өмір­шең болған бағдарламалар ая­сында жүзеге асырылып жатқан жұмыс­тар­ды саралады. Оның ішінде, аудан орталығы тұрғындарын көгілдір отынмен қамтамасыз ету, электр желілерін жаңғырту және жолды жөндеу жұмыстарымен таныстырды.

Жиын барысында халық қалау­лылары Бейбіт Мамраев пен Бақтияр Мәкен Парламент Мәжілісі отырыстарында қаралған мәселелер бойынша заңдарға енгізілген өз­геріс­­тер мен толықтырулар туралы мә­­лі­­м етті. Өңірлерде халық игілігіне арналған жобалардың жү­зеге асырылуын баян етті. Сонымен қатар, Елбасының қолдауымен іске асырылған әлеуметтік бағдар­ламаларды саралап, жиынға қатысу­шылар тарапынан көтерілген мә­се­лелерге зейін қойды. Атап айт­қан­да, «Сыр дидары» газетінің тіл­­­­­­­­­шісі Қ.Төреев халық қалау­лы­лар­­ын кент орталығын кесіп өтіп жатқан теміржол өткелі арқылы авто­­көлік өтетін көпір салуға ықпал етуін сұрады. Жосалы кентінің әкімі Ш.Сыдықов қазір кент көшелерінде қоғамдық тәр­тіп бұзғандарға, яғни ретсіз қоқыс тастап, қоғамдық орындарды бүл­діру­­шілерге айыппұл салу ішкі істер бөлімінің құзырында екенін, са­лынған айыппұлдан түскен қаржы республикалық бюджетке түсетінін айта келе, осы айыппұл қар­­жысын жергілікті әкімдікке түсе­тін етіп қайта қаралса деген ұсы­ны­сын жет­кізді. Сонымен қатар, Халық­аралық «Қазақ тілі» қоғамы ау­дан­­дық филиалының төра­ғасы Ә.Құл­дүйсенов бүгінде өз­ге өңір­лер­де ауылшаруашылығын өр­кен­детуде, яғни жеміс-жидек, бақ­­ша дақылдарын өндірушілерге үкі­мет­тен субсидия бөлінетінін айта келе, Сыр өңірінде де осы саланы дамытуда еселі еңбек етіп жатқандар бар екенін тілге тиек етіп, аталмыш сала бойынша өңірде еңбек етіп жатқандарға да субсиядия бөлінсе деген ұсынысын айтты. Меймандар жиын барысында көтерілген мәселелерге байланысты өз ойын ортаға салды.

Сол күні халық қалаулылары Байқоңыр қаласында өткен «Нұр Отан» партиясы қалалық конференциясына қатысты, сонымен бірге тұрғындармен жүздесті. Ал, ІІІ Интернационал ауылында болған сапарында ауылдық кітапхана жаны­нан ашылған COWORKING орта­лы­ғының жұмысымен танысып, оқыр­­мандармен түрлі тақы­рыпта пікірлесті.