Жүректен жүрекке
Адамгершілік атаулының тамырына нәр берген құтты құнар – қайырымдылық. Әр адамның бойында ізгілік қасиеті болып, таза пейілмен шуағын төгіп тұрса, тіршілікке нұр берері сөзсіз.
Жақында «Жүректен жүрекке» акциясы аясында мектебіміздегі әлеуметтік аз қамтылған отбасынан 10 оқушы қаламыздағы «Евразия» ойын-сауық орталығына апарылды. Балалар түрлі ойындармен ойнап, бір марқайып қалды. Оны жүзінен-ақ айқын байқауға болады.
– Апай сіздерді жақсы көреміз! 2-сыныпта оқып жүргенімде де қыдыртқансыздар, сіздерге рақмет, – дейді Жеңіс есімді оқушымыз.
Осы іс-шараға қолдау көрсеткен «Евразия» орталығының басшысы Кенжебек Үйрековке, мектеп әкімшілігіне қалай алғыс айтсақ та жарасады.
Рая Мадиевна,
№274 орта мектеп.
