Білімді озды бәйгеде
Оқушы бойындағы дарындылық қабілетті шыңдап бәйгеге қосуда ұстаздарымыздың ерен еңбегін бағалауымыз қажет. Оқушы дарындылығының дамуы, қабілетінің ашылуы мұғалімнің кәсіби біліктілігіне, және оның тұлғалық қасиетіне байланысты екені айдан анық.
Осы орайда олардың танымдық қабілеттерін қалыптастыру, білімдерін тереңдету, ғылымға деген қызығушылығын арттыру мақсатында облыстық пәндік олимпиадада мектебіміздің 9 сынып оқушылары жеңіспен оралды. Жоғары санатты биология пәні мұғалімі Индира Жұмабаеваның шәкірті Есдәулет Бөлекбай биология пәні бойынша ІІІ орынды иеленді. Оқушының бойына білім нәрін сусындата отырып, сыннан сүрінбей мақсатқа жетуде талапты қанаттандыруды, арманды орындай ала білетін міндет қоя білген.
Екінші ұстазымыз жоғары санатты география пәні мұғалімі Серік Ниязовтың шәкірті Елдос Жақсылық ІІ орынды иеленді.
Ұдайы өз білімін саралап, білім ошағы намысын, ұстаз ұстанымын, мектеп талабын және аудан абыройын облыстық көлемде биіктен көрсете білген дарын иелеріне, ұстаздарымызға шығармашылық табыс тілейміз.
Н.Баймаханова,
№80 мектеп-гимназия мұғалімі.
Пікір 1