Сот мұраны өзіне қабылдау үшін белгіленген мерзімді қалпына келтірді

Қармақшы аудандық сотында арыз беруші Е.-нің мұраны өзіне қабылдау үшін белгіленген мерзімді қалпына келтіріп, мұраны қабылдады деп тану туралы азаматтық ісі қаралды.

Іс құжаттарына сәйкес, талап қоюшы Е. сотқа талап қою арызымен жүгініп, онда әкесі О. 2007 жылы қайтыс болуына байланысты мұраға қалған мүліктеріне қатысты мұраға құқығы туралы куәлік беру үшін нотариусқа жүгінгенін, алайда мұраны қабылдау мерзімі өткен соң рәсімдеуден бас тартқанын, мұраға қалған жылжымайтын мүлік Қармақшы ауданы, Жосалы кенті, Жамбыл көшесі №8 үйге мұраны өзіне қабылдау үшін белгіленген мерзімді қалпына келтіріп, мұраны қабылдады деп тануды сұраған.

Қармақшы аудандық сотының шешімімен арыз беруші Е.-нің мұраны қабылдау мерзімін қалпына келтіріп, мұраны қабылдады деп тануды сұраған арызы қанағаттандырылды.

Сот шешімі заңды күшіне енбеген.

Қайнар:
Қармақшы аудандық сотының баспасөз қызметі