№277 орта мектепте 2017-2018 оқу жылының 9 сыныпты бітірген түлектері ізбасарлары 9 сынып оқушыларымен кездесуге келді. Қандай оқуды таңдаймын, қандай мамандық иесі боламын деп толғанып жүрген оқушыларға көп ақпарат берілді. Сабыр Рақымов атындағы "Жас ұлан" республикалық ұландар мектебінің ұланы Мырзагулов Мадияр өз оқу орнын алдымен бейнетаспа арқылы таныстырып, сонан соң республикамыздағы алдыңғы қатарлы оқу орындарының бірі - "Жас ұландар" мектебі туралы толық мағлұмат берді, оқуға шақырды, талапкерлерге кеңестер берді. Келесі түлегіміз Бержанов Олжас Кентау қаласындағы ГСХ көпсалалы колледжде оқиды. Олжас осы оқу орнын таңдағанына жəне осы оқу орнына түскеніне қуанатынын жасырмады. Оған себеп те бар екен: білімді, білікті ұстаздар қауымы; оқу орнында, жатақханада студенттерге қажетті жағдайдың барлығы қарастырылғандығы; студенттер арасындағы жақсы қарым-қатынас. Біздер дің байқағанымыз, Олжас үшін негізгісі-болашақ мамандығына деген қызығушылығы, ертеңгі күнге мол сенім, үлкен мақсаттары бар. Өз оқу орнын мақтан еткен тағы жастарымыздың бір тобы-күні кеше мектептің түрлі іс-шараларының ортасында жүрген белсенді оқушыларымыз, бүгінгі күні Қызылорда қаласындағы Қазанғап атындағы өнер колледжінің шəкірттері Нарманов Құрмет, Ермекбаева Асылзат, Оразбаев Ернар. Болашақ еліміздің өнер саласына өз үлесін қосатын домбырашылар мен баянист. Бəрі де стипендия иегерлері. Өз уақыттарын босқа жібермей, сүйікті өнерлерін шыңдау үшін осы оқу орнына түскендеріне қуанатындарын айтты. Кездесу соңында Асылзат пен Ернар орындаған күміс күйлер мектеп шаңырағына шəкірттерінің үлкен сағынышпен келгендігін білдіргендей еді... Мектеп директорының тəрбие жұмысы жөніндегі орынбасары Зайра Сейтжанқызы Шукирова кездесуге арнайы келген студенттерге рақмет айтып, сүйікті мамандықтарының иесі болып, биік белестерден көрінулеріне тілек білдірді.