Өнер-сезсең жəннат, ұшсаң-қанат

Мұғалім-білімнің жаңа құбылыстарын игеретін, идеялық-адамгершілікті ұстанатын тұлға ғана емес, сонымен қатар шығармашыл, жан-жақты өнер иесі.

Т.Көмекбаев атындағы №250 мектеп-лицейінде "Шың" шығармашылық орталығының ұйымдастыруымен "Өнер-сезсең жəннат, ұшсаң-қанат" атты өнер сайысы өтті. Мақсаты-мұғалімдердің шығармашылық əлеуетін жүзеге асыру, талантты ұстаздарды айқындау, оларды қолдау жəне ынталандыру. Сайысқа шығармашыл мұғалімдермен қатар жас мамандар да өз өнерлерін көрсетті.

Мұғалімдер төрт топқа бөлініп, əн сайысы, пародия сайысы жəне кино жанрынан кейіпкерлерді сомдау арқылы өз өнерлерін көрсетті. Жоғары деңгейде дайындықпен келген топ мүшелері тартысты сайыста Бас жүлде мен төрт номинацияға ие болды.