Finnair әуе компаниясы Нұрсұлтан Назарбаев халықаралық әуежайы арқылы әуе бағытын қайта жаңартатын болды.
Ұшу бағыттары биылғы жылғы шілдеден қыркүйек айына дейін аптасына екі рет сәрсенбі және жұма күндері  ыңғайлы Airbus 319 ұшағы арқылы жүзеге асырылады. Ұшу уақытының аралығы  төрт сағат екенін айта кету қажет.
Естеріңізге сала кетейік, 2017 жылғы жазғы айларда Finnair әуе компаниясы үш мыңнан аса жолаушыға қызмет көрсетті.
Аталған бағытты қайта жаңарту қазақстандық жолаушыларға Санта Клаустың отанын көруге, әрі олардың жайлы әуе кемесімен Хельсинки –Вантаа әуежайы арқылы Еуропаның 70-тен аса және Азияның 19 қаласына саяхат жасауына мүмкіндік берсе, финляндиядық саяхатшылар еліміздің көрікті жерлерін аралайтын болады.
Анықтама: Finnair – Финляндиядағы ұлттық әуе тасымалдаушы, әрі елдегі ең ірі әуе компаниясы. Оның орналасқан жері Хельсинки-Вантаа әуежайы. Компания Oneworld альянсының құрамында. Компанияның негізгі акционері  – Финляндия үкіметі.