Биыл Солтүстік Қазақстан облысына 400 отбасы көшіп барған
Биыл Солтүстік Қазақстан облысына Түркістан мен Алматы облыстарынан, сондай-ақ, Шымкент және Астана қалаларынан 400-ден астам отбасы қоныс аударды, - деп хабарлайды Massaget.kz.
Жыл басынан бері Солтүстік Қазақстан облысына көші-қон бағдарламасымен 400 отбасы көшіп келді. Оларға мемлекет тарапынан көтермеақы төленіп, баспана алуға "Экономикалық ұтқырлық сертификаты" беріледі. Қаржы көлемі биыл 7 млн теңгеге дейін ұлғайтылды. Павел Корнилов былтыр жанұясымен Талдықорғаннан Петропавлға көшіп келді. Көші–қон бағдарламасы бойынша әр адамға төленетін субсидиядан бөлек, баспанаға 7 млн теңге алған.
