Салтанатты іс-шара өтті
Қармақшы ауданы полиция бөлімі, 7 мамыр - «Отан қорғаушылар күні» және 9 мамыр - «Ұлы Жеңіс күні» мерекелеріне орай, бөлімнің ардагерлері мен жеке құрамының қатысуымен салтанатты түрде іс-шара өткізілді.
Іс-шараны Қармақшы ауданы полиция бөлімі ардагерлер кеңесінің төрағасы Тойбазаров Сағындық ашып ардагерлер мен жеке құрамды мерекелерімен құттықтады.
Сонымен қатар қызмет атқару барысында жоғары нәтижелі көрсеткіштерге қол жеткізгендері үшін Қызылорда ОПД-нің бұйрығымен және бөлімнің бұйрығымен бөлім ардагерлері мен қызметкерлері Грамота және Алғыс хаттармен марапатталды.
Іс-шара соңы Қармақшы ауданындағы О.Шораяқов атындағы № 30 мектебінде, қызметтік борышын атқару барысында қаза тапқан полиция капитаны Әбішев Кеңесбек Махметханұлының атындағы «Жас сақшы» кадет сыныбының оқушылары өз өнерлерін көрсетті.
