Халыққа көрсетілетін медициналық қызмет сапасы талқыланды
Бүгін Байқоңыр қаласы, Төретам кенті және Ақай ауылдық округі тұрғындарына көрсетіліп жатқан медициналық қызмет сапасына қатысты «AMANAT» партиясы Байқоңыр филиалының партиялық бақылау комиссиясының отырысы өтті.
Комиссия отырысына «AMANAT» партиясы Байқоңыр филиалының Атқарушы хатшысы Мақсат Есбенбетов қатысты.
Жиын барысында аталған елді мекендердегі денсаулық сақтау ұйымдарының жұмысы, медициналық көмектің қолжетімділігі мен сапасы жан-жақты талқыланды. Сонымен қатар, кадр тапшылығы, материалдық-техникалық база, дәрі-дәрмекпен қамтамасыз ету және қызмет көрсету деңгейіне қатысты өзекті мәселелер көтерілді.
Комиссия төрағасы Сейл Жұмадьяров жүргізілген мониторинг нәтижесінде тұрғындар тарапынан түскен ұсыныс-пікірлерді назарға алып, анықталған кемшіліктерді жою бойынша нақты ұсыныстарын жеткізді.
Алдағы уақытта медициналық қызмет сапасын арттыру бағытындағы жұмыстар партиялық бақылауда болады.
