ПАРТИЯЛЫҚ БАҚЫЛАУ КОМИССИЯСЫНЫҢ ОТЫРЫСЫ ӨТКІЗІЛДІ

"AMANAT" партиясы Байқоңыр филиалы жанындағы партиялық бақылау комиссиясының отырысы өтті. Отырысты комиссия төрағасы Сейл Жумадьяров ашып, жүргізді.

Жиынға "AMANAT" партиясы Байқоңыр филиалының Атқарушы хатшысы Мақсат Есбенбетов қатысты.

Отырыстың күн тәртібіндегі бірінші сұрағына сәйкес Ұлы Жеңістің 80 жылдығы мен партияның "Ардагерлерді ардақтайық" жобасы аясында ардагерлерге көрсетілетін әлеуметтік және медициналық қолдаулар мен көмектер мәселесі қозғалып, Байқоңыр қалалық көпбейінді ауруханасы бас дәрігерінің орынбасары Ержан Игенбаевтың хабарламасы тыңдалды.

Сондай-ақ, жиын барысында Байқоңыр қаласы, Төретам кенті және Ақай ауылдық округі тұрғындарына көрсетіліп жатқан медициналық қызмет сапасы талқыланып, комиссия мүшелері тарапынан айтылған ұсыныс-пікірлер назарға алынды.

Отырыс соңында күн тәртібіндегі көтерілген мәселелер бойынша тиісті шешімдер қабылданды.