Еңбеккерлер тілегі тыңдалды
«AMANAT» партиясы депутаттық фракциясының мүшесі Ералиев Төлеу Айманұлы Дүр Оңғар ауылындағы «Жаңажол» ЖШС-ның ауылшаруашылығы саласында еңбек етіп жүрген жұмысшыларымен кездесті.
Кездесу барысында ауыл еңбеккерлерінің күнделікті тіршілігімен, өзекті мәселелерімен танысып, ұсыныс-пікірлерін тыңдады. Әсіресе, еңбек жағдайларын жақсарту, әлеуметтік қолдау және ауыл шаруашылығын дамыту бағытында көтерілген мәселелер назарға алынды.
"Ауыл еңбеккерлерінің еңбегі – ел экономикасының маңызды тірегі. Сондықтан олардың жағдайын жақсарту – басты міндеттердің бірі. Алдағы уақытта көтерілген мәселелерді тиісті деңгейде қарастырып, нақты шешімдер қабылдау бағытында жұмыс жүргізілетін болады" деді депутат Т.Ералиев.
