» » Ұлт жаны - домбыра

Ұлт жаны - домбыра

Домбыра - қазақтың жаны. Оның күмбірінде ұлы жұрттың асқақ арманы, мақсат-мұраты, ерлігі мен елдігі жатыр. Содан қалса керек, "Нағыз қазақ - қазақ емес, нағыз қазақ - домбыра" деген ұлағат.

«Ұлттық домбыра» күніне орай Жосалы кенті орталығындағы «Жыраулар үйі» алаңында «Ақ домбыра қолға алып» атты мерекелік шара өтті. Шараның мақсаты – қасиетті Қармақшы өңіріндегі жыраулық дәстүрді насихаттау, күмбірлеген күй төгілген қазақ халқының музыкалық аспабы домбыраның құдіретін келешек ұрпақ санасында жаңғырту. Шара барысында сөз алған аудан әкімінің орынбасары Е.Меңлібаев жиналған аудан тұрғындарын «Ұлттық домбыра» күніне орай мерекелік жылы лебізін арнап, жыраулық дәстүрдің алтын жібін жалғаған өнер саласы майталмандары мен жастарға шығармашылық табыс тілеп, ыстық ықыласын жеткізді. Сонымен бірге шараны жырау С.Жақсығұлов жүргізіп, бабадан қалған ұлы өнерді көздің қарашығындай сақтап келе жатырған өнерпаздар шеруімен таныстырды. Шеруді жырау, «Мәдениет саласының үздігі» Бидас Рүстембеков бастады. Түркі халықтарының кемеңгер ойшылы, атақты абызы – Қорқыт бабамыздан бастау алатын жыраулық дәстүр жүз жырауды жүзіктеген киелі мекенге айналды. 2006 жылы К.Рүстембеков атындағы «Жыраулар үйі ашылып, халыққа мүлтіксіз қызмет етуде. Жыраулар үйінде «Базар жырау» , «Жиенбай жырау», «Тасберген жырау», «Рүстембек жырау», «Көшеней жырау» және «Қобыз» үйірмелері жұмыс істейді. З.Кәрібаева, Д.Тоқсанбаев, Б.Бедебаев, Б.Аққалиев, Ә.Ешбаева, Р.Тұржановалар халықаралық байқаулардың жеңімпазы Тоғжан Бақытова, М.Алдамжарова және Елбасымыздан домбыра сыйға алған жас жыршы Арай Оңғарқызы да жыраулар сапында.
Шеруді келесі киелі өнерлі ұжым Т.Салқынбайұлы атындағы әуез мектебі жалғастырды. Әуез мектебінің жанынан Т.Салқынбайұлы атындағы ұлт-аспаптар оркестрі де ауданымыздың өнері мен мәдениетінің дамуына зор үлесін қосып келеді.
Шараға аудандық әуез мектебінің ұжымы мен шәкірттері Т.Салқынбайұлы атындағы ұлт аспаптар оркестрімен ұлттық әуелете күйден шашу шашты. Сонымен бірге ауданымыздағы Республикаға белгілі Халықаралық дәрежедегі сыйлықтың иегерлері Б.Рүстембеков, З.Кәрібаев т.б жырауларымыз аудан халқын жыр зәмзәмімен сусындатып мерекелік көңіл күй сыйлады. Сондай-ақ жас жыршыларымыз Арай Оңғар, ағайынды Аққалиевтер жырлары мен күмбірлете тартқан күйлері жиналған жұршылықты серпілтіп тастады.
Қазақтың қара домбырасы - бұл халықтың қазынасы. Жоғары деңгейде ұйымдастырылған шара аудан өнерпаздарының концерттік бағдараламасымен қорытындыланды.
"ҚТ"-ақпарат
03 шілде 2018 ж. 1 674 0

PDF нұсқалар мұрағаты

№24 (10289)

23 наурыз 2024 ж.

№23 (10288)

19 наурыз 2024 ж.

№22 (10287)

16 наурыз 2024 ж.

Суреттер сөйлейдi

Жаңалықтар мұрағаты

«    Наурыз 2024    »
ДсСсСрБсЖмСбЖс
 123
45678910
11121314151617
18192021222324
25262728293031