Тіл – кемел болашақ тұғыры
№107 орта мектебінде 5 қыркүйек - Қазақстан халқының тілдері күні мерекесіне орай «Тіл – кемел болашақ тұғыры» тақырыбында тілдер апталығының ашылу салтанаты өткізілді.
Іс-шараның мақсаты – мемлекеттік тілдің мәртебесін арттыру, Қазақстандағы ұлттар мен ұлыстардың тілдерін құрметтеуге баулу, жас ұрпаққа көптілділіктің маңызын түсіндіру, тіл мәдениетіне деген сүйіспеншілікті қалыптастыру.
Апталықтың ашылуында оқушылар тілдер мерекесіне арналған өлеңдер оқып, әндер орындады. Қазақ, орыс және ағылшын тілдерінде көркем сөздер оқылды.
Апталық барысында әр күнге арнайы жоспар құрылып, сайыстар, әдеби кештер, эссе жазу сияқты түрлі іс-шаралар жалғасын табатын болады.
