БАЛАЛАР ЕҢБЕГІН ҚАНАУҒА ҚАРСЫ 12 КҮН

Қазақстан Республикасы Білім және ғылым министрлігінің Балалардың құқықтарын қорғау комитеті 1-12 маусым аралығында «Балалар еңбегін пайдалануға қарсы күрестің 12 күні» жоспарына сәйкес мектебімізде іс-шаралар жоспары жасалып, бекітілді.

Шараның басты мақсаты – қоғамның назарын, соның ішінде ересектерді, балаларды және олардың ата-аналарын балалар еңбегінің ең нашар түрлерін қолданудың алдын алу мәселелеріне аудару; ауыр жұмыс істеу баланың денсаулығына зиян екендігін және әрбір бала - ешбір қиындықсыз, жарқын өмір сүруге тиіс екендігін ұғындыру; жазғы демалыс кезеңінде оқушылардың ауыр жұмысқа тартылуының алдын алу; сондай-ақ осы саладағы құқықтық ақпараттандыру болып табылады.

Осы орайда «Бала еңбегін қанау» науқанының жоспарына сәйкес ауданымыздағы білім беру ұйымдары кешкі рейд кезінде де жоғарғы сынып оқушыларына және олардың ата- аналарына сондай-ақ кәсіпкерлік нысанды орындарда адам саудасының алдын алу және бала еңбегін қанауды болдырмау тақырыптарында үндеу хаттары таратылып, ақпараттандыру жұмыстарын жүргізді.

«Түнгі ауылдағы балалар», «Жасөспірім», тақырыптарында рейдтік шаралар алдағы уақытта да ұйымдастырылатын болады.