«Отбасында зорлық-зомбылықсыз Қазақстан»

Қазақстан Республикасы Ішкі істер министрінің жариялаған құқық бұзушылықтар профилактикасы жылы «Полиция Заң мен Тәртіп күзетінде» шеңберінде және Полиция күніне орайластырылған айлықты өткізу, сондайақ отбасылық-тұрмыстық зорлық-зомбылыққа нөлдік төзімділікті қалыптастыру, полицияның имиджін арттыру, ведомствоаралық өзара іс-қимылды кеңейту мақсатында осы жылдың 20-сәуірі мен 20-маусым аралығында «Отбасында зорлық-зомбылықсыз Қазақстан» атты челлендж-флешмоб форматындағы ауқымды акциясы өтуде.

Бұл акцияға біздің өңірге 28 мамырға дейін қатысу тапсырылған және барлық аудандарда 15-мамырдан бастап бастау алады.

Акцияның негізгі мақсаты – қоғамның назарын отбасылық-тұрмыстық зорлық-зомбылық проблемасына аудару, сыйластық қағидаттарын насихаттау, отбасында бір-біріне жәрдемдесу қағидасын және ішкі істер органдарына қоғамдық сенімді нығайту.

Сонымен қатар, жекелеген кезекті іс-шаралар дөңгелек үстел отырыстары, семинарлар, конференциялар, дәрістер, тренингтер, форумдар, көшпелі және рейдтік іс-шаралар, жұмыс топтарының кездесулері, қайырымдылық акциялары сондай-ақ әкімдер жанындағы Әйелдер істері және отбасылық-демографиялық саясат жөніндегі комиссия, мемлекеттік органдар, қоғамдық құрылымдар, ақсақалдар кеңесі, әкелер одағы, әжелер мектебі, аналар кеңесі, келіндер мектебі өкілдерінің, сондай-ақ ҮЕҰ өкілдері, студенттер, жоғары сынып оқушылары, жастар және жұртшылықтың қатысуымен қоғамдық флешмобтар ұйымдастырылуда. Осы ауқымды акцияға сіз бен біз болып үн қосайық.