Акция жалғасын табуда

Отбасындағы жанжалдан басталып зорлық-зомбылыққа ұласатын әрекеттерден зәбір көретіндердің басым бөлігі – әйелдер мен балалар.

Ішкі істер министрлігі соңғы жылда отбасындағы зорлық-зомбылыққа қатысты қылмыстық істің күрт көбейгенін мәлімдейді. Отбасы ішіндегі зорлық-зомбылықтан әйелдерден бөлек, балаларға да күш көрсету тыйылмай тұр. Осы ретте әйелдер мен балалардың отбасылық-тұрмыстық зорлық-зомбылық көруіне қарсы елімізде көптеген шаралар қолға алынған.

Айта кетейік, ағымдағы жылдың 20 сәуір мен 20 маусым аралығында «Отбасында зорлық-зомбылықсыз Қазақстан» акциясына орай, Қармақшы АПб ЖПҚб ОТЗЗҚКт қызметкерлері жаппай жиналатын орындарда өтіп жатқан іс-шара бойынша түсіндірме жұмыстарын жүргізіп, отбасы тұрмыстық зорлық-зомбылықтың алдын алу жөніндегі жадынамалар таратты.

Егер Сіз, тұрмыстық зорлық-зомбылықтың құрбаны немесе куәгері болсаңыз, төменде көрсетілген нөмірлер арқылы құқық қорғау органдарының қызметкерлерінен кеңес ала аласыз: «102» арнасы, сенім телефондары 8 (72437) 2-11-89; 8-705-208-14-68.