«Жұмысшы күні» жалпы Республикалық жобасы аясында іс-шара өткізілді

«Жұмысшы күні» жалпы республикалық жобасы аясында мектеп оқушыларының мамандық бағыттары бойынша өңірдегі ірі кәсіпорындар мен мекемелер базасына баруын қамтамасыз ету іс-шарасы бекітілген.

Осыған орай, Қармақшы аудандық кәсіпкерлік және өнеркәсіп бөлімі мен аудандық білім бөлімінің бірлесуімен С.Есқараев атындағы №27 мектеп оқушылары:

*жеке кәсіпкер Рабиға Балғабаеваның наубайханасына*,

*«Мағжан» дәмханасына* экскурсия жасап, өндірістік үдерісті өз көздерімен көріп, кәсіп иелерімен сұхбаттасты.

Сонымен қатар, Жосалы кентіндегі *Кәсіптік техникалық колледжде* де экскурсия ұйымдастырылып, жастар жұмысшы мамандықтарының маңыздылығымен танысты.

*Іс-шараның басты мақсаты – оқушыларды еңбекке баулу, кәсіпкерлікке деген ынтасын арттыру және болашақ мамандығын саналы таңдауға жол ашу.*