Кітап көрмесі таныстырылды

   Кент кітапханасында «Жұмысшы мамандықтары» жылына орай кітап көрмесі өтті.  «Жұмысшы – мәртебелі мамандық»  тақырыбындағы көрмеге аудандық аграрлық-техникалық колледжі директорының тәрбие ісі жөніндегі орынбасары Азиз Досболов, арнаулы пән оқытушысы Нұрлыбек Ілиясбек, колледж студенттері және қоғамдық даму бөлімінің маманы Рахат Бақытжанның жетекшілігімен мектептің жоғары сынып оқушылары келіп танысты.

   Кітап көрмесіне «Кәсіптік  білім» сериясымен шыққан әдебиеттер және ауданымыздағы танымал еңбек адамдарының өмірі жайлы әдебиеттер қойылып, оқырмандар назарына ұсынылды. Бұл көрменің басты мақсаты – жұмысшы мамандығының маңыздылығын арттыру, жастарға еңбек нарығында сұранысқа ие мамандықтарды насихаттау және еңбек адамының беделін арттыру, кітапханаға кітап оқуға шақыру. Көрме нәтижесінде студенттер мен оқушылар еңбек адамдары жөнінде тың ақпараттар алып, жаңа кітаптармен танысты.