«Болмаған балалық шақ»

Балалар көктемгі демалысты тиімді өткізу мақсатында С.Есқараев атындағы №27 мектептің мұғалімдері мен оқушылары жазушы Ақберен Елгезектің «Болмаған балалық шақ» повесіне әдеби талдау жасады. №27 мектептің мұғалімі Айткүл Ділдабекова мен кітапханашы Кенже Қошмановалар шығарма туралы өз ойларын ортаға салып,шығарманың негізгі ойы мен мағынасын талқылады. Сондай-ақ, повесть желісі бойынша түсірілген фильмді тамашалап, өз әсерлерімен бөлісті.
Бұл шығарма – автордың өз өмірінен алынған, боямасыз шындыққа негізделген туынды. Ақберен Елгезек жетімдіктің тауқыметін тартып, бала тағдырынан сыр шертіп, өзімен тағдырлас жандарға демеу болу мақсатында қалам тербеген. Оның шығармасы өмірдің өткінші сынақтарына төтеп беруге, қайсарлық пен үмітті жоғалтпауға үндейді.
«…Менің балалығым болған жоқ. Бірақ мен оны жоққа санаған емеспін. Өйткені өмір деген – болған нәрсені емес, болмағанды да бағалай білу…»
Балалар көктемгі демалысын мәнді әрі пайдалы өткізіп, көркем әдебиетке деген қызығушылықтарын арттырды. Осындай танымдық шаралар олардың ой-өрісін кеңейтіп, өмірге деген көзқарасын тереңдете түседі.