Көпбалалы аналарға құрмет көрсетілді

8 наурыз – Халықаралық әйелдер күніне орай "AMANAT" партиясы Қармақшы аудандық филиалының төрағасы Ә.Қошалақов пен Атқарушы хатшы Ғ.Ақжігітов Жосалы кентінің тұрғындары, көпбалалы аналар, Алтын алқа иегерлері 9 балалы ана Бибігүл Аралбайқызы мен 7 балалы ана Ұлбосын Төреханқызын мерекемен құттықтап, сый құрмет көрсетті.

"AMANAT" партиясы Қармақшы аудандық филиалының төрағасы Әділ Үсенұлы бұл күннің маңыздылығын атап өтіп, әйелдерге көрсетілген құрмет пен қолдау қоғамның дамуына қосылған үлес екенін білдірді. Сонымен қатар, көп балалы аналардың еңбек жолы мен отбасындағы рөлін бағалау, қоғамдағы орны мен маңыздылығын арттыру мақсатында осындай шаралар ұйымдастыру партия назарынан тыс қалмайтынын жеткізді.