Түнгі клубта саудасы қызған "шаттандырғыш шарларға" тыйым салынды
Қызылорда қаласында түңгі клубта азот оксиді құйылған шарлар ашық сатылып жатқан туралы әлеуметтік желіде таратылған. Қызылорда облысы Полиция департаментінің Есірткі қылмысына қарсы іс-қимыл басқармасының қызметкерлері түнгі клубқа рейдтік жұмыстарын жүргізді. Жүргізілген жедел-іздестіру іс-шараларының нәтижесінде 2дана 10 литрлік газ боландары анықталды,полиэтилен пакетіне салынған шариктер,1 дана «кальян»аппараты анықталып заттай дәлелдеме ретінде алынды.
Қазіргі уақытта ҚР ҚК 310-бабының 1-бөлігі бойынша (Дәрiлiк немесе басқа да құралдарды пайдаланып есеңгiрету үшiн притондар ұйымдастыру немесе оларды ұстау) сотқа дейінгі тергеп – тексеру әрекеттері басталды.
Жалпы шара “Заң мен тәртіп” жобасы аясында ұйымдастырылды.
Мақсат - қоғамдағы тәртіп пен тыныштықты қадағалау.
Демалыс күндері мен алтыншы күндері қала күшейтілген режимде жұмыс жасайды. Әрбір ойын сауық орталықтарына тексеру жұмыстарын жүргізеді.
