ДІН - ХАЛЫҚТЫҢ РУХАНИ НЕГІЗІ
Дінсіз қоғамды елестету мүмкін емес. Ол - халық мәдениетінің рухани негізі. Оның қоғамда алатын орны қашанда ерекше. 2024 жылы діни бірлестік басшыларының клубымен жыл көлемінде 8 шара ұйымдастырылған. Бұл шаралардың негізгі мақсаты аймақта конфессияаралық келісімді одан әрі нығайту. Бұл туралы облыстық дін істері басқармасының басшысы Дінмұхамед Ермеков хабарлады.
- Басқарманың маңызды бағыттарының бірі ол жалпы профилактика. Бұл бағыт бойынша ақпараттық түсіндіру тобымен қарқынды жұмыс жасалды. Түрлі мақсатты топтармен �12 736 шара өткізіліп, оған 169 562 адам қамтылды. Шаралардың мақсатты тобына түрмеде жазасын өтеушілер, пробациялық есептегі тұлғалар, мешіт жамағаты, өзін-өзі жұмыспен қамтушылар, жастар, Neet санатындағы жастар, мемлекеттік және бюджеттік сала, құқық қорғау органдарының қызметкерлері кіреді. Сонымен қатар, интернеттегі қарсы насихаттық шаралар қатаң бақылауға алынған. Басқарманың және басқарма жанындағы дін мәселелерін зерттеу орталығының парақшаларында 10 281 қарсы насихаттық материал жарияланды. Сондай-ақ, интернет пен әлеуметтік желіге жүргізілген мониторинг нәтижесімен «Киберқадағалау» ақпараттық жүйесіне енгізілген күмәнді 1 729 сілтеменің 650-і бұғаттауға жолданды. Қалғаны бойынша жұмыс жүргізілуде,- деді Дінмұхамед Жандарбекұлы.
