АТҚАРУШЫ ХАТШЫНЫҢ ЖҰМЫС САПАРЫ БАЙҚОҢЫР ҚАЛАСЫНДА ЖАЛҒАСТЫ

Аудандарда жұмыс сапарымен жүрген партияның облыстық филиалының Атқарушы хатшысы Ләйлә Төрешова бүгін Байқоңырлық партияластармен актив жиынын өткізді.

Актив отырысында Байқоңыр филиалының Атқарушы хатшысы М.Есбенбетов 2024 жылдың 12 айдың қорытындысы бойынша атқарылған жұмыстары туралы есебін баяндады.

Мұнан бөлек филиал жанындағы Партиялық бақылау комиссиясының жұмыстары туралы С.Жұмадьяров, «Маметова» бастауыш партия ұйымының тынысы жайында ұйым жетекшісі Г.Қайнарбаева хабарлама жасады.

Атқарылған жұмыстармен танысқан партияның облыстық филиалының Атқарушы хатшысы Ләйлә Төрешова партия активі алдына сайлауалды уәделердің орындалуын қатаң бақылауға алу, қоғамдық қабылдау бөлмесіне тұрғындардан келіп түсетін өтініштердің оң шешілуіне ықпал ету, бастауыш партия ұйымдарының жұмысын күшейтіп, олардың рөлін арттыру жөнінде атап айтты. Мұнан бөлек жиын соңында бірқатар партияластарға Алғыс хаттар табыстады.