Ауданымызда жұмысшы мамандықтар жылы барысында кәсіби бағдар беру
Мемлекет басшысы Қасым-Жомарт Кемелұлы Тоқаев "2025 жыл - жұмысшы мамандықтар жылы" деп жариялады.
Президент осыған дейін: «Жұмыстың жаманы жоқ, кез келген еңбек – қадірлі! Адал әрі табанды еңбегімен табысқа жеткен адамдар қашанда құрметті, сыйлы болуы керек. Бір сөзбен айтқанда, біздің қоғамда еңбекқорлық, кәсібилік сияқты қасиеттер өте жоғары бағалануға тиіс. Өз кәсібін жетік меңгерген мамандар ұлт сапасын арттырады», - деген еді.
Осы орайда өңіріміздегі Қармақшы аудандық аграрлы-техникалық колледжінің студенттері мен педагогтері Т.Көмекбаев атындағы №250 мектеп-лицейінің 8-9-10 сынып оқушыларымен "Жұмысшы мамандықтары - қазіргі қоғамның негізі" тақырыбында ұйымдастырылған Оқу өндірістік комбинатының сабақтарына қатыстырылды.
Мақсаты: Жұмысшы мамандықтарды дәріптеу арқылы қоғамда еңбекқор және нағыз маман болып қалыптасу идеясын насихаттау.
