Колледж студенттерімен кездесу өткізілді

Қармақшы аудандық полиция бөлімінің ұйымдастыруымен Қармақшы аудандық аграрлы техникалық колледжінің ғимаратында құқық бұзушылықтың және жат діни ағымның алдын - алу мақсатында колледж студенттерімен кездесу өткізілді.

Кездесуге: Қармақшы аудандық полиция бөлімінің қызметкерлері Қ.Еспанов пен С.Шүкіров, аудандық қоғамдық даму бөлімінің теолог маманы Р.Бахытжан қатысты.

Кездесу барысында студенттерге құқық бұзушылықтың және жат діни ағымның зияндары мен зардаптары турасында түсіндірме жұмыстары жүргізілді. Кездесу соңында студент жастар сала мамандарына сұрақтар қойып, ойларымен бөлісті.