Фракция мүшесі тұрғындарды қабылдады

Бүгін облыстық мәслихаттағы "AMANAT" партиясы депутаттық фракциясының мүшесі Мусаева Гүлшат Исақызы Байқоңыр қаласы, Төретам кенті мен Ақай ауылдық округінің тұрғындарын қабылдады.

Алғашқы болып қоғамдық қабылдауға кірген Байқоңыр қаласының тұрғыны А.Абдиканиева қаладағы қазақ мектептеріне қазақша атау беру жөнінде өтініш білдірді.

Келесі кезекте қоғамдық қабылдауға жазылған Ақай ауылдық округінің тұрғыны зейнеткерлерге санаториялық ем алуға жолдама туралы мәселесіне байланысты өтініш білдірді.

Фракция мүшесі Г.Мусаева қоғамдық қабылдауға келген тұрғындардың өтініштерін мұқият тыңдап, тез арада мәселелердің оңтайлы шешілуі үшін тиісті жұмыстардың жүргізілетіндігі туралы жеткізді.

Қоғамдық қабылдау барысында тұрғындар тарапынан айтылған өтініштер "AMANAT" партиясы Байқоңыр филиалының бақылауына да алынды.