Сырдария өзенінде мұз қатып, су деңгейі көтеріліп, қауіпті аймақта орналасқан елді мекендер мен шаруашылықтарды су басу қаупі туындауы мүмкін.

Сондықтан Сырдария өзеніне немесе су басу қаупі бар аймақтарға жақын орналасқан барлық мал түрлерін осы кезден бастап алдын ала қауіпсіз жерлерге көшірулеріңізді сұраймыз.

Сонымен қатар, эвакуацияланатын аймақтағы тұрғындар бірінші кезекте өзімен бірге құжаттарын жеке куәлік, әскери билет, диплом, балалардың туу туралы куәлігі, үй құжаттары және ақшаларын, құнды заттарын дайындаған жөн. Мезгілге байланысты киім, аяқ киім (дұрысы резина), 2-3 тәулікке жететін азық-түлік пен су, қажетті дәрі-дәрмектер әзірлеп, қажетті жүктерін үйдің шатырына шығарып, малдарына белгі тағу керек. Су басу аймақтарындағы малдарды қауіпсіз аймаққа айдап шығарған жөн. «Сақтансаң, сақтаймын» дегендей, ескертпелерді елеп жүрсеңіздер екен.