Педагогтерге әдеп қағидаларын сақтау қатаң тапсырылды
Әдептілік – ұлт психологиясының өзегі, адамгершіліктің бірегейі, халқымыздың ғасырлар бойы қалыптасқан қоғамдық санасының практикалық көрінісі, барлық кісілік қасиеттердің жиынтығы. Әдеп сақтау - әлеуметтік дәстүр. Сондықтан бала тәрбиелеу үрдісінде, ең алдымен мұғалім әдепті, тәртіпті, мәдениетті болуы тиіс. Осы тұрғыда педагогикалық әдеп ережелерін педагогтердің білуі және сақтауы олардың кәсіби қызметі мен еңбек тәртібі сапасын бағалау өлшемшарттарының бірі болып табылады.
Осы мақсатта Қармақшы ауданы бойынша білім бөлімінің басшысы Г.Абдазиева барлық білім беру ұйымдарындағы ер азаматтарды қамту арқылы кеңейтілген жиын өткізді.
Бүгінде Қармақшы ауданы бойынша 2163 педагог саны болса, оның 426 педагогі ер мұғалімдер 19,7℅ құрайды.
Жиын барысы кент орталығындағы №250 мектеп - лицейінің базасында Zоом платформасы арқылы жүргізілді.
Күн тәртібі барысында педагог ер азаматтардың педагогикалық әдеп қағидаларын қатаң сақтауды және қазіргі қоғамның дерті болып саналатын құмар ойындарынан және басқа да адам өміріне қауіп туғызатын зиянды заттардан,құқық бұзушылық әрекеттерден аулақ болу барысында педагог қызметкерлерге түсіндірме жұмыстарын жүргізді.
