Құндылық көзі кітапта

ҚР Мәдениет және ақпарат министрлігінің қолдауымен ҚР Ұлттық академиялық кітапханасының ұйымдастыруымен 20 қыркүйек күні жыл сайын дәстүрлі түрде ұйымдастырылатын – «KitapTime – 2024» ІІІ жалпы республикалық кітап фестивалі өтті.

Кітап оқуды кеңінен насихаттау, рухани, интеллектуалдық даму жолында жастарды ынталандыру және мәдени құндылықтарымызды халыққа жеткізу мақсатында ұйымдастырылатын республикалық шара биыл Елорданың рухани ордасы – Ұлттық академиялық кітапхананың 20 жылдық мерейтойымен тұспа-тұс келді. Дәл осы күні кітап мерекесі республиканың көпшілік кітапханаларының ұйымдастыруымен еліміздің әр өңірінде өткізілді. Аудандық кітапханада фестиваль аясында «Құндылықтың күллі көзі – кітапта» атты 7 бөлімнен тұратын кітап көрмесінің таныстырылым өтті. Әрбір бөлімді кітапханашы Д.Қосназарова, М.Жазықбаева, Ұ.Өтешовалар оқырмандарға қызықты етіп таныстырылып жасады. Көрмеге 26  кітапқұмар оқырман қатысты.

Сондай-ақ кітап оқу мәдениетін көтеру, әдебиеттерді насихаттау, оқырмандарды кітапханаға тарту және олардың кітап оқуға деген қызығушылығын арттыру бойынша ұйымдастырылған фестиваль  «Адамзаттың аманаты – ­ кітапта» атты интеллектуалды ойынымен жалғасты. Ойынға Ш.Уәлиханов атындағы №26 орта мектеп оқушылары қатысып, белсенділік танытты.