Қармақшы Аудандық Орталық Ауруханасында бүгін "Онкологиялық аурулардың профилактикасын дамыту" бағытында "Ашық есік" күні акциясы жүргізілді.

Жастар денсаулығы орталығының және Салауатты өмір салтын қалыптастыру кабинетінің мамандары емханаға келушілер арасында түсіндірме жұмыстарын жүргізіп, дәліздегі LED экранда "Обырдың алдын алу", " Жатыр мойны ісігі", "Өкпе қатерлі ісігі, оның даму қаупі факторлары", "Темекі шегудің өкпеге қаупі" тақырыптарында бейнероликтер көрсетілді. Ақпараттық танымдық материалдар, брошюралар таратылды.