«Ашық есік» күні өтті

   Қазақстан Республикасында «Онкологияға қарсы күрес жөніндегі 2023-2027 жылдарға арналған кешенді жоспарды бекіту туралы» ҚР үкіметінің 2023 жылғы  05-қазандағы № 874-қаулысына сәйкес 2024 жылдың 1-2 тамыз күндері Қармақшы аудандық емханасында «Бірыңғай ашық есік күндері» өткізілді.

   «Ашық есік күні»  барысында  Жастар денсаулығы орталығының және Салауатты өмір салтын қалыптастыру кабинетінің мамандары емханаға келушілер арасында түсіндірме жұмыстарын жүргізіп, дәліздегі LED экранда «Обырдың алдын алу», «Жатыр мойны ісігі», «Өкпе қатерлі ісігі, оның даму қаупі факторлары» тақырыптарында бейнероликтер көрсетілді. Уақытылы медициналық-скринингтік тексеруден өту – көптеген аурудың алдын алатынын, ауруды дер кезінде анықтап, сәтті ем шараларын жасауға көмектесетіні туралы «Скрининг бөлімінің»  қызметкері А.Ешмұратова және онколог дәрігер Н.Козанов, медбикесі Д.Нәлібаевалар әңгімелесу  жүргізді.

Скрининг бөлімінде келушілердің бой, салмақтары өлшеніп, Кетле индексі бойынша тексерілді. Көз және қан қысымы өлшеніп, қандағы қант, холестерин мөлшері анықталды.

Ақпараттық танымдық материалдар, брошюралар таратылды. Плакаттар ілініп, келушілердің сұрақтарына мамандар толық жауап берді.

Фейсбук әлеуметтік желісіндегі «Қармақшы Жастар денсаулығы орталығы» және «қармақшы аудандық аурухана» парақшаларында тақырыпқа сай бейнероликтер, инфографикалар және пайдалы кеңестер орналастырылды.