«Су — тілсіз жау»
Жаздың ыстық күнінде адамдар өзендер мен көлдерге асығады. Салқын суға шомылу, көл немесе өзен жағасында серуендеу — жаз мезгілінің қызықтары.
Мұндай демалыс кезінде су тек дос қана емес, ол үлкен қауіп төндіретінін әрдайым есте ұстау қажет.
Тыныш жатқан су беті қауіп-қатерге толы екенін естен шығармаңыз!
Отбасыңызбен демалу кезінде қарапайым су қауіпсіздік ережелерін сақтау керек:
1.Белгіленбеген, тыйым салынған жерлерге суға түспе!
2.Кішкентай балаларды көзден таса қылмаңыз!
3.Суға биіктен секіруге, таныс емес тереңдіктерге сүңгуге болмайды!
4.Суға алкогольді ішімдіктер ішкен соң немесе тамаққа тойып алып түспеңіз!
5.Суға түсуге арналған үрлемелі шеңберлер мен жилеттердің бүтіндігіне көз жеткізіп барып суға түсіңіз!
Жұмысшы топ өкілдері аудандағы қауіпті су айдындарын аралап, сол аймақтарда қайғылы жағдайларды болдырмау мақсатында қауіпсіздік ережелерін қатаң сақтауды, рұқсат етілмеген жерлерге суға шомылуға болмайтынын ескертті. Қауіпсіздік шаралары туралы ескертпе үнпарақтар таратылды.
Құрметті аудан тұрғындары!
Жаз мезгілінде су айдындарындағы қауіпсіздік
ережелерін қатаң сақтаңыздар!
