Түсіндірме жұмыстары жүргізілді

Судағы апаттан қорғанудың ең сенімді жолы – суда шомылу ережесі мен қауіпсіздігін қатаң сақтау. Адамның өмірінен артық құндылық жоқ. Сондықтан суға түскен кезде қарапайым ережелерді сақтау керек. Сонда ғана тілсіз жаудың алқымынан аман қалуға болады. Қазақтың «Сақтансаң, сақтаймын!» деген аталы сөзінің төркіні де осы.
Суға шомылу маусымы басталған кезде су айдындарында апатты жағдайлардың алдын алу мақсатында аудандық Білім бөлімі және аудандық төтенше жағдайлар бөлімі қызметкерлері аудан аумағындағы өзен-көлдер бойында түсіндіру жұмыстарын жүргізді.
Рейдтік шара барысында Сырдария өзенінен бастап барлық су нысандарының жағасы аралады.Бұдан бөлек, өзен жағасында демалуға келген азаматтарға қауіпсіздік қағидалары жазылған жадынамалар таратылды.
Бұл бағыттағы жұмыстар жазғы суға шомылу кезеңі аяқталғанға дейін атқарылатын болады.
Есте сақтаңыздар!
Суда шомылу кезінде қауіпсіздік қағидаларын мұқият сақтау - судағы қауіптен қорғанудың жалғыз жолы саналады.