Аудан әкімі шаруашылық басшыларымен кездесті
Қармақшы ауданының әкімі Жандос Еркінбекұлы Оң Жағалау шаруашылықаралық каналының №518 бекетінде шаруашылық басшыларымен кездесіп, көктемгі дала жұмыстарының барысымен танысты.
Кездесу барысында егіске бөлінген суармалы су лимитінің кестеге сәйкес алынуы және орналастырылған ауыл шаруашылығы дақылдарының агротехникалық талаптарға сай күтіп-бапталуы талқыланды.
Айта кетейік, қазіргі таңда суармалы су лимиті бойынша кестеге сәйкес тиісті кезеңге 184,39 млн м3 алынуы қажет болса, нақты 186,11 млн м3 болып, су артығымен жеткізіліп отыр.
