Семинар-тренинг өткізілді
Жастар денсаулығы орталығы және салауатты өмір салтын қалыптастыру кабинеті мамандарының қатысуымен Ақтөбе ауылындағы жүз тоғызыншы мектепте жоғары сынып оқушыларымен семинар-тренинг болып өтті.
Қазіргі таңдағы қоғамдағы жасөспірімдер арасындағы маңызды тақырыптар тілге тиек бола келіп, психикалық денсаулықты нығайту, зиянды әдеттердің алдын алу, қауіп-қатердің алдын алу, зорлық-зомбылық құрбандарының болмауының алдын-алу, отбасы құндылықтарын сақтап, құрметтеу, өз өміріне жауаптылықпен қарау жөнінде келелі әңгімелер өрбіді. Салауаттылықты арттыру жолдары және оған жасөспірімдердің қызығушылығын күшейту үшін пайдалы кеңестер айтылып, окушылардың ұсыныс-пікірлері тыңдалды.
Балаларға ата-ана мен жақындарының рөлі маңызды екені ескертілді. Оқушылардың көзқарасымен "Өздерінің жарық жұлдыздары" келбеті ойша суреттеліп,тренингтер жасалды. Логикалық ой жүйріктігіне, сергітуге арналған "Креативті жауап" ойындары мен жаттығулары жасалды, сұрақ-жауаптар болып, кері байланыстар орнады.
Зиянды әдеттерден бойды аулақ ұстап,бойкүйездіктен арылып,уақытты пайдалы істер мен білімін арттыруға, өздерін жетілдіруге жұмсауға дағдылану - әрбір оқушының жеке тұлға боп қалыптасуының негізі екендігі түсіндірілді. АТМдар таратылды.
Кездесуге келушілердің болашақққа деген жауапкершіліктерін олардың ұйымшылдықпен, белсенді қатысып,ойларын ашық ортаға салуынан-ақ көруге болады.
Жан-жақты түрде қоғам болып жастар өмірінде оң өзгерістер жасауына ықпалымызды тигізсек, өмір гүлденіп,болашағымыз жарқырай түсеріне сенім мол!
