Кезектен тыс конференция өтті

Жуырда «AMANAT» партиясы аудандық филиалының кезектен тыс 42-конференциясы болып өтті. Жиынды «AMANAT» партиясы аудандық филиалының төрағасы Әділ Қошалақов жүргізді. Конференцияға саяси партиялар туралы қолданыстағы заңдар мен «AMANAT» партиясы Жарғысының талаптарына сәйкес барлығы 55 делегат сайланды. Олардың құрамында мемлекеттік мекеме мен кәсіпорын қызметкерлері, білім, денсаулық саласының өкілдері бар. Конференцияның күн тәртібінде «Иіркөл және Жосалы ауылдық округ әкімдерінің сайлауына кандидаттарды ұсыну туралы» мәселе қаралды. Күн тәртібіне сәйкес тиісті шешім қабылданып, сайлауға кандидаттар ұсынылды.