» » Жауынгер сүйегін туған жеріне алып келді

Жауынгер сүйегін туған жеріне алып келді

Фото: ашық дереккөз
2024 жылдың 15 қаңтарында Қызылорда қаласына «Атамның аманаты» қоғамдық бірлестігі 1912 жылы Қызылорда облысында дүниеге келген қазақ жауынгері Мәметов Силанның сүйегін ҚР Қарулы Күштерінің арнайы әскери-көлік ұшағымен туған жеріне жеткізді. Майдангердің мәйітін 2023 жылдың мамыр айында Ресейдің «Эхо войны» іздестіру тобы қазба жұмыстары кезінде тапқан болатын. Белгісіз солдаттың кім екені мойнындағы медальонында жазылған мәліметтер бойынша анықталды.

Силан Мәметов 144-ші атқыштар дивизиясының 785-ші атқыштар полкінің сапында соғысқан. 1941 жылы 7 қарашада Мәскеу түбіндегі Апалщино селосы үшін шайқаста қаза тапқан екен. Сүйегі Мәскеу облысы Руза ауданы Ново-Горбово селосындағы бауырластар зиратынан 300 метр қашықтықта табылған. Силан соғысқа дейін Қызылорда облысында тұрған, үйленген. Өкінішке орай, тікелей ұрпағы мен туыстары табылмады.

Дегенмен, елі үшін жанын қиған атамыздың сүйегін туған жері Қазалы ауданының әкімдігі барлық жөн-жоралғысымен жерледі.
Сондай-ақ, шара барысында «Атамның аманаты» ҚБ облыстық өлкетану музейіне С.Мәметовтың жеке заттары – солдат каскасы мен медальонын да табыс етті.
16 қаңтар 2024 ж. 99 0

PDF нұсқалар мұрағаты

№37 (10302)

11 мамыр 2024 ж.

№36 (10301)

07 мамыр 2024 ж.

№35 (10300)

04 мамыр 2024 ж.

Хабарландыру

Хабарландыру!

Хабарландыру!

29 сәуір 2024 ж.

Суреттер сөйлейдi

Жаңалықтар мұрағаты

«    Мамыр 2024    »
ДсСсСрБсЖмСбЖс
 12345
6789101112
13141516171819
20212223242526
2728293031