«Мейірім құшағы, жүрек жылуы» атты ата-аналарға арналған тренинг

Ауданымыздың С.Есқараев атындағы №27 орта мектебінде «Мейірім құшағы, жүрек жылуы» атты тақырыпта ата-аналардың қатысуымен семинар-тренинг өткізілді. Кездесуге: Қармақшы аудандық полиция бөлімінің ЖПҚб-нің әйелдерді зорлық-зомбылықтан қорғау тобының инспекторы полиция капитаны А.Касимова, Қармақшы аудандық емханасының Салауатты өмір салтын қалыптастыру кабинетінің маманы Д.Құлмырзаева қатысты.

Мақсаты: бала тәрбиесі дамуындағы басты рөл атқарушы отбасы екенін, ата-ананың бала көңілін таба білуіне ой қозғау, өзін-өзі тануына бағыт беру, тәрбие жайлы пікір бөлісу. Сондай-ақ, ата-аналарға балаға рухани тәрбие берудегі отбасының рөлі жайлы түсіндіру. Ата-аналарды өздерінің балаларының жан-дүниесін түсінуге шақыру.

Сонымен қатар, кездесу барысында құқық бұзушылықтың алдын алу, жолын кесу, жастардың құқықтары мен жауапкершіліктері, отбасындағы тұрмыстық зорлық-зомбылықтың алдын алу, жолын кесу туралы түсіндірме жұмыстары жүргізілді.